BUNDA ATUT, GAYEMU BIKIN AYE ATUT!
Jadi gini, loh. Gue ntu sebenernye
dari dulu pengen banget jadi jurnalis. Cuman belom kesampean. Bukannye kagak
bisa, cuman ideologi gue masih dipegang teguh gitu. Gue juge sebenernye udeh
pernah ditawarin jadi jurnalis di beberapa media mainstream, tapi sayang keburu
keinget medianye ntu punye politisi jadi yeee males banget. Ya gue tolak aje.
Mane gajinye kecil banget. Hehehe.
Tapi tenang, kagak usah cape-cape jadi
jurnalislah. Mending juge jadi blogger. Kan sama-sana jurnalis. Walau amatir,
ya kagak nape. Belajar aje.
Bunda Atut lagi mikirin kancut. |
Gue sekarang lagi berandai-andai jadi
jurnalis yang disuruh mewawancarai Bunda Atut. Tau Bunda Atut kagak, coy? Ntu
loh, gubernur Banten yang dikabarkan amat modis. Sekali dandan, dari ujung
kepala sampe ujung kaki, bise dihargai SATU MILYAR tuh. Hooh, SATU MILYAR. Ntu
termasuk dandan di salon, baju, celana, kancut, sepatu, jilbab, dan laen-laen.
Ah, andai Bu Atut jadi pesyen blogger, pasti Diana Rikasari liwat!
Dan berikut ini tujuh pertanyaan wajib
yang bakal gue tanye ke Bunda Atut. Cekibrots!
“BUNDA
ATUT, KALO PERAWATAN DI MANE SIH? DI ERHA CLINIC ATAU NATASHA?”
Kenape gue mau nanye begini? Ya
abisnye gue tau kalo Bunda Atut ntu punye muke super kinclong. Terus licin gela
getoh, entah karena mukanye ditanemin kilang minyak atau apelah. Terus yak,
Bunda Atut ntu mukanye seksi, merah merona gitu. Jadi kagak usah ribet-ribet
dikasi blush on. Hihihi.
wih maen ice skating di jidatnye Bunda Atut bisa kale |
Masalahnye ntu, Bunda Atut sebenernye
perawatan di mane, sih? Di Erha Clinic atau Natasha? Atau di Haji Jeje dan Mak
Encrot? Pengen banget dikasi rekomendasi biar muke gue bisa sekinclong doi.
Sape tau abis ntu gue langsung dapet cowo tajir. Hiks :’((
“BUN-TUT
SUKE AME STYLE FASHIONISTA SAPE SIH? FASHIONISTA MANE YANG JADI INSPIRASI BUN-TUT DALEM BERBUSANA?”
Ini penting banget. Ya soalnye gue
kepo. Kira-kira doi suke ame Dian Pelangi kagak ye? Atau Evita Nuh? (KEMUDAAN
WOY!).
Bunda Atut ternyate lebih cetar daripade Syaribeud |
“BUN-TUT
PALING DEMEN BELANJE DI MANE, SIH?”
Ini juge penting, biar sekalian doi
rekomendasiin tempat belanje ke gue dan cewe-cewe laen. Setidaknye doi bise
ngasi inspirasi gitu ke kite-kite. Iye kagak?
Mudah-mudahan Bunda Atut suke belanje
di Tanah Abang atau Pasar Uler. Secare cuman disono yang bisa dijangkau ame
budget gue. Hiks :’((
“BUN-TUT
KALO NONGKRONG SUKANYE DI MANE?”
Dengan gaya yang fashionable kayak
gitu, tentu aje Bunda Atut berarti juge tipe orang yang demen nongkrong. Gue
kepo banget deh pengen tau tempat tongkrongan doi di mane. Di Pelabuhan Merak
atau Pelabuhan Cinta Berondong Cuchoq? #eh.
Kalo menurut ekspektasi gue sih, doi
sukanye nongkrong di PIM gitu. Tau PIM kagak? Ntu loh, emol yang ade di Pondok
Indah. Tempat nongkrong artis-artis, tuh!
“CARA
DAPET DUIT BANYAK PEGIMANE SIH, BUN-TUT?”
Ini penting banget. Secare gue pengen
banget jadi doi yang bise belanje mahal-mahal and serba branded. Gue kan pengen
banget pamer di socmed, biar mantan-mantan gue juge panas gitu hehe :))) #plakkk
Bunda Atut tajir banget!!!! |
Mudah-mudahan sih Bunda Atut bise
punye banyak duit gitu bukan dari hasil ngepet keliling Banten. Atau karena
nyembah si Nyai di Pelabuhan Ratu. MUDAH-MUDAHAN LOH YAK!
“BUN-TUT,
KALO UDEH PENSIUN MAU JADI APE?”
Nah, ini penting! Gue sih
rekomendasiinye doi jadi pesyen blogger aje! Abis ntu masuk ke komunitas
@kancutkeblenger deh. Wah pasti pesyen blogger sekelas Diana Rikasari bakal
kagak laku lagi! Pasti banyak yang mau nge-buzzer-in Bunda Atut di blognye. GUE
YAKIN BANGET!!!
“BUN-TUT,
DENGER-DENGER KAN UDEH BIKIN KERAJAAN NIH. SEBENERNYE KERAJAAN MANE SIH YANG
BIKIN ANDA TERINSPIRASI?”
Kerajaan Bunda Atut |
Ini juge penting. Soalnye gue pengen
banget jadi doi yang bise bikin kerajaan. Tapi berhubung gue kurang ngerti
sejarah kerajaan-kerajaan getoh, ya tentu aje jadi terhambat. Jadi, melalui
Bunda Atut, kali aje gue jadi dapet inspirasi dari doi. Dan tentunye aje nih,
doi bise bikin kerajaan di Banten karena terinspirasi dari kerajaan-kerajaan
tempo dulu. Mungkin doi terinspirasi dari kerajaan-kerajaan yang suke disiarin
di Indosisir ato CemensiTipi? Kagak tau dah. Mangkenye gue pengen nanya soal
beginian ke doi!
Yang jelas nih, kalo misalnye gue ngikutin
semua gayenye Bunda Atut, kayaknye gue kagak sanggup dah. Mulai dari gaye
berbusana hingga gaye-gaye-an bikin kerajaan. Gayenye bikin atut!
Nah, kalo misalnye juge gue diijinin
interview Bunda Atut, temen-temen pembace mau nitip pertanyaan ape nih? Kalo
ade, silakan dicantumin di kotak komentar bawah yak! MOHON KASI PERTANYAAN YANG
KRITIS!!!! OKAY!!!
Bunda Atut tau aje :'((( |
Sumber Gambar:
0 Response to "BUNDA ATUT, GAYEMU BIKIN AYE ATUT!"
Posting Komentar
follow my twitter @akhmadraauf
yang punya blog wajib comen langsung comen back
yang follow blogku langsung di comen back
comen disini bebas